БАЈКАЛСКО ЕЗЕРО -
НАЈДЛАБОКОТО ЕЗЕРО ВО СВЕТ
Бајкалското Езеро е едно од најпознатите езера во светот, и има големо светско значење. Се наоѓа во јужните делови на Сибир во државата Русија помеѓу областа Иркутск и Автономна Република Бурјатија. Ова езеро е сместено помеѓу високи планини кои според настанувањето се стари планини. Тоа се Источни Сајански планини, Становојски планини и Јаблоновски
планини. Зафаќа површина од 31,722 km2, и во споредба со Охридското Езеро, поголемо е за околу 85 пати. Според настанувањето Бајкалското Езеро е тектонско езеро, што значи, дека настанало со движења на тектонските плочи. Неговата старост се проценува помеѓу 25 и 30 милиони години што го прави едно од најстарите езера во светот според едни научни сознанија, но според други е најстаро езеро во свет. Во него се наоѓаат 27 острови од кои најголем е островот Олкхон.
Местоположба на Бајкалското Езеро
Во Бајкалското езеро се влеваат повеќе од 330 реки и сите тие го снабдуваат со големи количини на вода. Од нив најголема е реката Селенга. Па така ова езеро претставува најголем резервоар со слатка вода (вода за пиење).
Бајкалсото Езеро е исто така познато по тоа што е преставува најдлабоко езеро во светот со максимална длабочина од 1741 м, и воедно претставува најголема криптодепресија во светот, повеќе на следниот линк.
Следна работа по што е познато Бајкалското Езеро е тоа што е богато со флора и фауна со повеќе од илјада видови на растенија и две илјади и петстотини видови на водни животни, од кои 80% се ендемични. Тука се наоѓаат 56 видови на риби од кои речиси половината од нив се ендемични видови и ги има само во водите на ова езеро. Исто така Бајкалското Езеро претставува и важен извор на храна на населението што живее на самите негови брегови иако најголемиот дел од годината е заледено. Тука, населението користи традиционални начини на риболов низ дупкки направени во самиот лед.
Од аспект на туризмот, Бајкалското Езеро е се повеќе привлечно за туристи кои ги привлекува со своите пејсажи, особено кога е заледено. Воедно доста привлечно за туристите е што до него може да се стигне и со трансибирската железница .
Во 1996 година УНЕСКО го прогласи Бајкалското Езеро за светско наследство.
Литература:
1.Schwarzenbach, Rene P.; Philip M. Gschwend; Dieter M. Imboden (2003). Environmental Organic Chemistry (2. edition). Wiley Interscience. pgd.. 1052.
2.Rivarola-Duartea; Otto; Jühling; Schreiber; Bedulina; Jakob; Gurkov; Axenov-Gribanov; Sahyoun; Lucassen; Hackermüller; Hoffmann; Sartoris; Pörtner; Timofeyev; Luckenbach; and Stadler (2014). A First Glimpse at the Genome of the Baikalian Amphipod Eulimnogammarus verrucosus. Journal of Experimental Zoology Part B: Molecular and Developmental Evolution 322(3): 177–189.
3. https://whc.unesco.org/en/list/754
4. https://www.sciencedaily.com/releases/2017/07/170726103013.htm
5. https://web.archive.org/web/20061011114225/http://www.cnn.com/SPECIALS/2000/russia/story/train/lake.baikal/
6. https://www.meteorologiaenred.com/mk/lago-baikal.html
7. http://geology.com/records/deepest-lake.shtml
8.https://www.fishbase.in/trophiceco/FishEcoList.php?ve_code=156
9.https://www.pandotrip.com/wp-content/uploads/2022/08/Elenka-island-on-Lake-Baikal.jpg
10. https://mk.eferrit.com/%D1%82%D1%80%D0%B0%D0%BD%D1%81%D0%B8%D0%B1%D0%B8%D1%80%D1%81%D0%BA%D0%B0-%D0%B6%D0%B5%D0%BB%D0%B5%D0%B7%D0%BD%D0%B8%D1%86%D0%B0/
11.https://www.youtube.com/watch?v=rm12sxsn08Y&ab_channel=DennisSchmelz
Подготвил: Тоше Столески, наставник по географија
0 Comments