10-те најголеми острови во Светот
Што е остров?
Остров претставува копно кое е обиколено од сите страни со вода (океан, море, езеро или река во зависност од неговата местоположба), па така тие можат да бидат и речни и езерски острови кои уште се нарекуваат и Ада. Островите кои се геолошки или геоморфолшки поврзани едни со други и претставуваат една група (пример: Филипински острови, Балерски острови итн.) се нарекуваат архипелаг.
.svg.png)
Овој остров има површина од 217 291 квадратни километри, што го прави вториот по големина остров во Канада. Се карактеризира со стрмни брегови и многубројни заливи. Името го добил по кралицата Викторија. Овој остров има исклучително блага клима, најблага во Канада, а на Канаѓаните им служи како место за бегство од секојдневната градска гужва.
Хоншу е дел од групата Јапонски острови и претставува најголемиот јапонски остров, а воедно и најнаселен. На него се наоѓаат најголемите јапонски градови Кјото, Токио и Осака. Тој е и вториот најгусто населен остров во светот со население од над 104 милиони жители. Зафаќа површина од 227,898 квадратни километри, вкупно 60% од јапонската територија.
5. Бафинов остров
Бафинов остров е најголемиот остров во Канада со површина од 507,451 километри квадратни. Иако зафаќа голема површина, заради неговата местоположба и климатските услови слабо е населен со околу 13.000 жители. Најголемиот дел од населението го сочинуваат Ескимите.
Претставува островска држава која се наоѓа на континентот Африка во неговиот југо-источен дел, сместена во Индискиот Океан. Зафаќа површина од 592,800 километри квадратни што го прави да е четвртти најголем остров во Светот, воедно и втора најголема островска држава. Овој остров е познат по тоа што претставува дом на голем број видови на растенија и животни кои не можат да се најдат на друго место во светот, па затоа го нарекуваат и остров со најголема биолошка разновидност во светот.
3. Борнео
Островот Борнео претставува најголемиот азиски остров сместен во југо-источниот дел од континентот и е дел од групата острови наречени Сунда. Овој остров зафаќа површина од вкупно 748,168 километри квадратни. 73% од островот е под територијата на Индонезија, а останатиот дел припаѓаат на Малезија и Брунеј. Островот е дом на најстарата прашума во светот, за која се претпоставува дека е стара над 140 милиони години.
Вториот по големина остров во светот е дел од регионот Океанија кој се наоѓа во југо-западниот дел од Тихиот Океан и претставува дел од групата на големи острови во Тихиот Океан наречени Меланезија. Од Австралија е одвоен со протокот Торес. Зафаќа површина од 785,753 километри квадратни. Островот е населен со околу 15 милиони жители кои зборуваат на над илјада различни јазици. Климата на овој остров е претежно тропска, а просечната температура е околу 22 степени.
Гренланд е најголемиот остров во светот кој зафаќа површина од 2,166,086 километри квадратни. Сместен е во крајниот северен дел од Атланскиот Океан и претставува дел од територијата на континетот Северна Америка. Повеќе од една третина од островот е покриена со ледена покривка. Населението главно го сочунуваат Инуитите. Гренланд е дом и на најголемиот национален парк во светот - Северо-Источен Гренланд.
0 Comments